UrDPIDA AMIR TEMUR TAVALLUDINING 690 YILLIGI MUNOSABATI BILAN MA’NAVIY-MA’RIFIY TADBIR O‘TKAZILDI

UrDPIda Amir Temur  tavalludining 690 yilligi munosabati bilan ma’naviy-ma’rifiy tadbir o‘tkazildi

Ijtimoiy va amaliy fanlar  fakultetining tashabbusi bilan tashkil etilgan mazkur tadbirni  Urganch davlat pedagogika instituti rektori v.b  D.Abdullayev  kirish so‘zi bilan ochib berdi.

So‘zga chiqqanlar Amir Temur tavalludining 690 yilligi munosabati bilan buyuk sarkardaning yoshlar tarbiyasidagi o‘rni, uning boy tarixiy merosi, davlat boshqaruvidagi yuksak salohiyati, shuningdek, bunyodkorlik va adolatparvarlik faoliyati haqida batafsil ma’lumot berdilar. 

Tadbir davomida Amir Temur hayoti va faoliyatiga bag‘ishlangan sahnaviy chiqishlar, tarixiy lavhalar hamda uning hikmatli so‘zlari asosida tayyorlangan badiiy kompozitsiyalar namoyish etildi. Shuningdek, buyuk ajdodimizning harbiy mahorati, strategik tafakkuri va ilm-fanga bo‘lgan e’tibori aks ettirilgan chiqishlar tadbir mazmunini yanada boyitdi.

©️ UrDPI matbuot xizmati