URGANCH DAVLAT PEDAGOGIKA INSTITUTIDA IKKINCHI VA UNDAN KEYINGI OLIY TA’LIM QABULI BO‘YICHA TALABGORLAR BILAN SUHBAT TASHKIL ETILDI

Urganch davlat pedagogika institutida ikkinchi va undan keyingi oliy ta’lim qabuli bo‘yicha talabgorlar bilan suhbat tashkil etildi
Bugun, 19-avgust kuni Urganch davlat pedagogika institutida 2026/2027-o‘quv yili uchun ikkinchi va undan keyingi oliy ta’limga o‘qishga kirish istagini bildirib ro‘yxatdan o‘tgan talabgorlar bilan qabul komissiyasining suhbati bo'lib o'tdi.

Suhbatda Oʻquv-uslubiy boshqarma boshligʻi S.Musurmonov, Yoshlar masalalari va ma’naviy-marifiy ishlar bo‘yicha birinchi prorektor U.Xo'jamuratov, Qabul komissiyasi mas’uli Sh.Doʻschanovlar ishtirok etib, ikkinchi va undan keyingi mutaxassislikka qabul qilinayotgan talabgorlarga belgilangan tartib-qoidalari, ta’lim jarayonining tashkil etilishi hamda o‘qish bilan bog‘liq muhim masalalar yuzasidan batafsil ma’lumotlar berildi.

Shuningdek, talabgorlarni qiziqtirgan savollarga mas’ullar tomonidan atroflicha javoblar berildi.

©️ UrDPI matbuot xizmati