ORENBURG SHAHRIDA “EURASIA GLOBAL” VIII XALQARO YOSHLAR FORUMI BO‘LIB O‘TMOQDA VA UNDA URGANCH DAVLAT PEDAGOGIKA INSTITUTI VAKILI, IQTIDORLI TALABALARNING ILMIY TADQIQOT FAOLIYATINI TASHKIL ETISH SEKTORI MUHANDISI MUAZZAMXON YAXSHIBAYEVA HAM FAOL ISHTIROK QILMOQDA.

“Eurasia Global” VIII Xalqaro yoshlar forumida Rossiya hududlari va xorijiy mamlakatlardan 500 dan ortiq vakillar ishtirok qilmoqda. Ular orasida ilmiy-tadqiqot, xalqaro hamkorlik, ommaviy axborot vositalari, jamoatchilik fikri liderlari, yosh tadbirkorlar, davlat xizmatchilari va tashkilot a'zolari, bolalar bilimini rivojlantirish bilan shug‘ullanuvchi tashkilotlar rahbarlari va a’zolari kabi sohalarda o‘z faoliyatini olib borayotgan Rossiya va xorijiy mamlakatlardan yosh mutaxassislar bor. Shuningdek, “Rossiya - imkoniyatlar mamlakati” platforma tanlovlari g‘oliblari ham ishtirok etmoqdalar.

Eurasia Global forumi haftaligida ishtirokchilar ta’lim va madaniy dasturlarga, norasmiy muloqot platformalariga, hamkorlarning ko‘rgazma maydonlariga tashrif buyurishadi. Shuningdek, yoshlar o‘z loyihalarini taqdim etadilar, ularning eng yaxshilari ularni amalga oshirish uchun Rosmolodej tomonidan grantga ega bo‘ladilar.

Butunjahon yoshlar festivali butun dunyo yoshlarini birlashtirib, o‘zaro tajriba, bilim va madaniy an’analar almashish imkonini beruvchi o‘ziga xos tadbirdir.

©️UrDPI Matbuot xizmati