UrDPIDA "QORBOBOLAR VA O'YINCHOQLAR" TANLOVI BO'LIB O'TDI

Bugun Urganch davlat pedagogika institutining Pedagogika fakulteti tomonidan Yangi yil bayrami munosabati bilan talabalar o'rtasida qorbobo va o'yinchoqlar yasash bo'yicha tanlov o'tkazildi.

Tanlovda har bir guruh jamoalari va talabalar o'zlari yasagan ko'rgazmalarni namoyish etdilar. Ko'rgazmaga institut rektori Feruza Madraximova tashrif buyurib, tanlov ishtirokchilariga bayram munosabati bilan o'zining iliq tilaklarini bildirdi. 

Ko'rgazma davomida Yangi yilga bag'ishlanagan turli shakldagi qorbobo, qorqizlar, archa o'yinchoqlari va atributlar namoyish etildi. Tadbir so'ngida g'oliblar aniqlanib, esdalik sovg'alari topshirildi.