UrDPI VAKILLARI TURKIYANING BARTIN UNIVERSITETIDA XIZMAT SAFARIDALAR

Ayni kunlarda Urganch davlat pedagogika instituti Pedagogika fakulteti dekani Elyor Nabiyev va xalqaro hamkorlik bo'limi boshlig'i Jaloliddin Sa'dullayevlar xizmat safari bilan Turkiya davlatida bo'lib turibdilar.

Bugun institutimiz vakillari Turkiyaning Bartin universiteti professor-o'qituvchilari hamda pedagogika fakulteti talabalari bilan uchrashdilar. U yerda Pedagogika fakulteti dekani Elyor Nabiyev O'zbekiston-Turkiya hamkorligi doirasidagi amaliy ishlar bo'yicha ma'ruza qildi. 

 Ma'lumot uchun, joriy yilning aprel oyida Bartin universiteti rektori, fizika fanlari doktori, professor Orhun Uzun hamda Ta'lim fakulteti dekan yordamchisi, filologiya fanlari doktori, dotsent Ahmet Yirmibeshlar UrDPIga tashrif buyurib, rektor Feruza Madraximova bilan uchrashgan edilar. Muzokaralardan so'ng ikkala OTMlari o‘rtasida hamkorliklarni rivojlantirish bo'yicha memorandum  imzolangan edi.

©️ UrDPI Matbuot xizmati