BUGUN BUTUN RESPUBLIKAMIZ BO‘YLAB 2024-2025-O‘QUV YILI UCHUN OLIY VA PROFESSIONAL TA’LIM MUASSASALARIGA O‘QISHGA KIRISH TEST SINOVLARINING UCHINCHI KUNI BO‘LIB O‘TMOQDA!

Test sinovlari kuniga ikki smenada – 1-smena 08:00 dan 11:00 gacha, 2-smena esa 15:00 dan 18:00 gacha tashkil qilingan.

Bu yil Xorazmda 54 124 nafar abituriyent ro‘yxatdan o‘tgan bo‘lib, viloyatdagi test sinovlari Bilim va malakalarni baholash agentligi Xorazm viloyati bo‘limi binosi hamda "Yoshlik" sport majmuasi binolarida o'tkazilmoqda.

Urganch davlat pedagogika institutining akademik litseyi binosida ota-onalar uchun kutish zallari, imtihonlarni bevosita kuzatib borishlari uchun monitorlar tashkil qilingan. Imtihon jarayonlarini shaffof va adolatli o‘tkazish maqsadida ota-onalar va keng jamoatchilik uchun test sinovlarini istalgan joydan https://test2024.uz/ platformasida onlayn kuzatish imkoniyati yaratilgan.

Urganch davlat pedagogika institutining volontyorlar jamoasi imtihon topshirayotgan abituriyentlarning yaqinlari uchun tashkil etilgan kutish joyida ota-onalar bilan suhbatlashib, ularni qiziqtirgan savollarga batafsil javoblar berishmoqda.