“Yangi hayot uchun, yangi O’zbekiston uchun!” shiori ostida o'tkazilayotgan navbatdagi “Mahallada duv-duv gap” targ‘ibot tadbirlari bugun Shovot va Yangibozor tumanlarida ham yuqori saviyada tashkil etildi.

Davlatimiz rahbari raisligida 2023-yil 22-dekabr kuni о‘tkazilgan Respublika Ma’naviyat va ma’rifat Kengashi yig‘ilishida berilgan topshiriqlar asosida tashkil etilgan ushbu tadbirlarda Urganch davlat pedagogika instituti Pedagogika hamda Aniq va amaliy fanlar fakulteti professor-o‘qituvchilari faol ishtirok etdilar. 

Targ'ibot tadbirlarining maqsadi Yangi О‘zbekistonni bunyod etish yо‘lida amalga oshirilayotgan keng kо‘lamli islohotlar va erishilayotgan yutuqlarni xalqimizga aniq hayotiy misollar orqali yetkazishdan iborat.