Urganch davlat pedagogika instituti va Xorazm viloyati favqulodda vaziyatlar boshqarmasi hamkorligida o'quv seminari tashkil etildi.

Xorazm viloyati favqulodda vaziyatlar boshqarmasida UrDPI Maktabgacha ta'lim metodikasi kafedrasi o'qituvchisi Aziza Matniyozova ishtirokida "Ma'naviy-ma'rifiy tayyorgarlik" soatida "Mafkuraviy immunitetni shakllantirish — davr talabi. Yot illatlarga qarshi immunitet" mavzusida o'quv seminari tashkil etildi.

O'quv-seminarida globallashuv zamonida yoshlar ongida g'oyaviy bo'shliq paydo bo'lishiga yo'l qo'ymaslik hamda mafkuraviy immunitetni oshirish yuzasidan fikr-mulohazalar bildirildi.