URDPI TALABALARIGA TURKIYALIK MUTAXASSIS DARS O'TMOQDA

Dunyoning top-1000 talik universitetlari qatoridan joy olgan Turkiyaning Bartin universitetining Pedagogika fakulteti dotsenti, Dr.Neslihan Kose Urganch davlat pedagogika instituti, xorijiy filologiya (ingliz tili) kafedrasida talabalarga ma'ruza va seminarlar o'tkazmoqda.

Ma'lumot uchun, Urganch davlat pedagogika institutiga Turkiyaning Bartin universiteti rektori, fizika fanlari doktori, professor Orhun Uzun hamda Ta'lim fakulteti dekan yordamchisi, filologiya fanlari doktori, dotsent Ahmet Yirmibeshlar tashrif buyurgan edilar. Tashrif davomida mehmonlar institut rektori Feruza Madraximova bilan uchrashib muzokaralar olib borgan edilar. 

Muzokaralardan so'ng ikkala oliy ta'lim muassasasi o'rtasida hamkorlik memorandumi (https://t.me/UrDPI_UZ/16220) imzolangan edi. Memorandum hamkorliklarni rivojlantirish, talabalar va professor-o‘qituvchilar almashinuvi, hamkorlikda ilmiy konferensiyalarni tashkil etish, ilmiy va o'quv sohalarida hamkorliklarni yanada kengaytirishga qaratilgan masalalarni qamrab olgan. 

O'z navbatida UrDPI vakillari ham Turkiyada (https://t.me/UrDPI_UZ/17529) xizmat safarida bo'lib, tajriba almashgan edilar. Dr.Neslihan Kosexonimning institutga tashrifi ushbu hamkorliklarning uzviy davomi va samarali natijalaridan hisoblanadi.

  ©️ UrSPI Press Service